客戶一致推薦 信心保證
FB超過130個5星好評、近100篇客戶千字文讚賞
Big day 當日 Ivan 同拍攝團隊都一樣非常專業貼心唔洗講, 令我意外同咪額外開心嘅係, 係拍攝 snapshot 同 video 嘅流程入面制做左好多機會俾唔單止我同Michael, 更更更珍貴嘅重有我同家人同摯友嘅深情 moment~ 令大家有機會去聽到, 講到, 感受到, 平時好少講但最真誠, 心底嘅感覺。雖然Michael 同屋企人嘅情深對話我不在場, 但我知道特別係男人, 父子, 兄弟, 好多野成日在心中, 唔講出口, 多謝你俾機會佢地, 逼佢地講出黎! 呢個體會係一個我會好珍惜意外嘅收穫~
早拍晚播一樣無得彈, 影得好感動, 無論相同 video 都 capture 番曬早上嘅 magic moment, 張張相睇番都好有畫面, 好有愛, 好感動! So touching 我番到屋企不停 J 早拍晚播, 每次 J 每次喊, 好有愛 ! (個個賓客都讚呵!!)
同你地影左三次相, 傾左差唔多成年計, Big Day都有種份外親切感! 開心同幸運婚禮有你地參與做我地攝影師!!
— Sharon
Ivan係我成個婚禮最早confirm嘅一樣野，因為疫情婚禮需要分開搞，而Ivan都勁有耐性去解決我嘅疑問，婚禮前幾日好擔心當日會落雨而影唔到外影，Ivan會幫我諗幾個方案，令我擔心少一樣。
直到婚禮當日，真正感受到Ivan嘅熱誠同細心兼超有耐性，盡量滿足我嘅要求，當日外影有汗水亦有雨水，見到佢大汗踏細汗但全程keep住笑容，落力影相，嗰份專業精神，真係令我好佩服同覺得好warm.出嚟嘅相同片都係我想要嘅野，比左我同我家人一個好好嘅回憶。辛苦晒。多謝你。揀Ivan絕對冇錯！
— Tiffany
Big day當天好感恩可以搵到Ivan Team幫我拍攝
多謝你團隊由朝到晚幫我地影左咁多靚相靚片，喺你地鏡頭下個個都咁型仔靚女，真係不得了！
自我阿妹結婚嗰時見識到你嘅專業，拍攝風格，我就知我結婚一定要搵返你！
真係好中意你嘅style，屋企人知道我想搵返你幫我拍big day都好開心好期待架！
外影嗰時真係辛苦曬大家！
我地成個團隊太多貴人招曬風雨真係無辦法
雖然係咁，但都一樣可以順利拍攝，SDE條片真係好好睇，好靚，好精彩
真心好多謝Ivan Team！！
真心要推介比多啲親朋戚友先得！
— Eri
喺呢度想多謝Ivan同佢既團隊，5.19當日協助我地既係Ivan﹑Ching﹑Ting﹑Hades﹑Tak五位。超級慶幸揀左呢個團隊！絕對無揀錯！令人無比放心既團隊！非常專業﹑用心！
婚禮前我有疑問，Ivan都會耐心解答，有時好夜佢應該剛剛影完Big Day都錄音比我。
Big Day當天整個團隊超級盡責，朝早爸爸帶新娘出房間﹑新人進場前等等，Ivan都會提點新人點做更好，感受到佢想新人唔好錯過任何重要畫面，
到晚宴睇返早拍晚播，真係三個字形容：「正到爆」！
有啲位正到都聽到D賓客「嘩」左一聲。相片靚，可以捕捉到大家好開心﹑為我地流淚既窩心畫面，畫面好有感染力，我覺得真實情感正正係婚禮最重要既元素，伴你成長既人為你開心﹑為你流淚早拍晚播既相片編排都感受得到Ivan有用心思；
另外影片部份一樣咁正咁有心思，好鍾意「倆心不會變」部份，特別到最後有一個新人展望將來既感覺 (睇完段片就會明)。我地真係超級鍾意段早拍晚播！好多朋友都同我講返段早拍晚播好正呀！
仲有，當日因為早上行程比較緊密，我地3p.m.有證婚，團隊都無辦法好好食一餐，只係食M記，但佢地都一樣咁用心影！
— Cathy
Ivan , 哩幾日都好忙，冇時間多謝你地，你地真係好西利，我地一睇完你既早拍晚播，真係用三個字黎形容 "不得了" 。全部人都對你地讚不絕口，真係好興幸揾左你地做我地Big Day 攝影師, 真係好專業，好敬業。果日d時間過得好快，完全吾知自己發生咩事，睇翻d相先知，多謝你將我最寶貴既時間拍低。見住你地由早做到晚，一刻鬆下既時間都冇，發覺原來攝影師真係吾容易做，但你地從頭到尾都係笑住幫我地影相到最後一刻，真係好好好好，我講野真係吾叻，不過我真係好感恩揾左你地既團隊。多謝你，我知你就黎結婚啦，我都祝你百年好合，永結同心，記得多d時間休息，做野吾好咁辛苦，放多d假如果去Melbourne 有咩需要除時call 我，真心多謝你！
希望有更加多新人會好似我咁幸運遇到你地啦！
— Wing